شلون انفوز عل البرازيل !!

هلو

اليوم جنت كاعد و ضايج كلت خلي اشوفن شون منتخبنا الوطني ممكن يفوز عال برازيل كلت بسيطة (بسيطة لو محيط) تعالو فوشو( اكو ناس تكتبها غلط شوفو) هاي التوجيهات و الخطط الجهنمية اللي اتخلي المنتخب ايفوز عال برازيل
عشرمية- صفر:-

اولا: ابعاد الخصوم عن المباراة :

ننطي لفات فلافل متروسة عمبة (عمبة لو خالة) مع مخصصات طرشي معتق صارلة 233 سنة لازك بالبرميل مع حوافز تشجيعية و تتضمن صمونة حجرية تفشخ قادرة على فشخ اكبر صماخ و قطع فلافل مجوقلة ذات طاقة حمصية 1200 واط (لفة الصدمة و الرعب خخخ) للاعبين المدرجة أسماؤهم ادناه:-

أ- رونالدينهو : راح يصير عندة تفحّط بكريات الدم الخضر و أمساك بالحوض و راح يصير عندة تقيؤ و يكوم ايذب شلغم من راسة و تبرجق بالعصب السمعي و انبعاج اب جعب رجلة اليمنة و احتمال خالتة تتوفة و امساك بالرئة ف مراح يكدر يلعب(خلصنا من واحد)

ب- كاكا: راح يصير عندة لين عظام و كساح بجواريبه و سرطان فجائي بالبنكرياس(بنكرياس خضر خخخخ)
و تذبذب اب عمل المصران الاعور و تمزق بالفانيلة و أسهال بالبنطرون و استكماتزم اب عظم العصعص ف هم راح يكظيها عال مصطبة(خلصنا منة)

ج-روبرتو كارلوس :راح يموت راسا و احتمال اتصير حواسم على بوتينة و تيشرتة (يلله شعلينا احنا هسة قابل من عشيرتنا هوة؟؟)

ثانيا : مهمة الدفاع :

راح تكون مهمة الدفاع انه ايسد منطقة ال18 ب تايرات و شحاطات قديمة و جليكانات امزرفة عتيكة ام ال 20 و ايسوون سيطرة مال لواعيب وطنية بنص الملعب اذا من الفريق العراقي يفوت اذا برازيلي (برازيلي لو تويوتا؟؟) لا والله ارجعة و مهمة الوسط انه بس يشوف لاعب برازيلي يتقدم أيأشر اب ايدة ايكلله( مواجهة ارجع ارجع ارجع مسدوووووود مواجهة) اطلع عال خدمي و نفضل أن تكون وقت الباراة اب شهر تموز او آب لييييييييييش؟؟؟ لأن اللاعب (البرازيلي) يحمة بساع ف مراح يكدر يلعب مظبوط

ثالثا : الكوالة أو مثل ما انكول بالجلفي \ المرمى \ :

1-ينشال الكول مالتنا و انخلي بدالة قنفة او جرباية أو مرجوحة و بما انه الطوبة اذا دخلت بالقنفة ما راح ينحسب كول(السبب قانون دولي من سنة 1911 طلع قبل قانون نيوتن ب 3 ايام و اللي اصدرة رئيس منظفة الفيفا مستر كريكر) ف مراح يكدرون ايكولون و راح يضل اللاعب البرازيلي يفتر بالطوبة مثل الخبل الاكرع حاير ما يعرف وين اوديها و كولجينا راح يكون كلش مرتاح لهذا راح يسحب واير من مولد و يكعد بكولة مرتاح امشغل بنكة و خلاط نفطي و نركيلة ام التفاحتين و اخر مزاج او خطة لخ انخلي باب حديد جبيرة و نكتب عال كول مالتنا بالطباشير (سكن عوائل) راح يجي اللاعب البرازيلي هم حاير شيسوي؟؟ ايدك الباب حتة ايكول هم راح تنلاص عليه هع هع او نشيل الكول مالتنا و نخلي بدالة كشك لبيع جامات لالات او اي شي
2- بألنسبة للبرازيل ينشال كول البرازيل و انخلي اببدالة قوس النصر اللي بساحة الاحتفالات اذا الطوبة فاتت اب داخلة نحسبه هدف و اذا برة نحسبة فاول النا و ناخذ ضربة جزاء و انكوّل

3-كلساع واحد ايدز للكولجي تهديد: أسمع لك خلال 3 دقايق اتصفي و تسافر ال غير ملعب ترة نتويك نتويك لو مدري شسوي راح يخاف و يعوف اللعبة و يسافر ال سوريا

رابعا : الحكام :

1- نشترط عال حكم نلعب اب 47 لاعب و اذا صار تبديل اللي يطلع يرجع يدخل (دائما دائما قبل اللعبات احد من كرايب الحكام يموت ما اتشوفوهم 24 ساعة يلبسون اسود؟؟)
2- نتفق وية مراقب الخط نشوفلة شغلة اب بانزين خانة(بوزرجي يطلعلة باليوم ورقتين او اكثر ) حتة ايسهلنا امر اثناء اللعبة
3- الحكم الرابع انخلي جوة الكرسي مالته عبوة ناسفة و انطيرة بحيث راح يكلي نفسة كاعد عال كشافات مال ملعب
4- نتفق وية الحكم اذا طلع بطاقة صفرة يعني اتحضر للسير و اذا بطاقة حمرة معناها توقف و انتظر و بهال حالة راح نخلص من الطرد و الانذار اما بالنسبة للبرازيليين ف البطاقة الصفرة معناها اطلع برة و الحمرة معناها ابوك انعلس عوف اللعبة و روح شوف شنو السالفة

خامسا : اجراءات احتياطية :

1- شيل وياك خاشوكة حتة اتحرك اللعب
2- شيل وياك هيتر حتة اتسوي أحماء (أحماء وحشي)
2- من الافضل انه يكون وية الدفاع مال المنتخب الداخلية و التعليم العالي
4-يفضل ان يكون(الحارس ) مالتنا سبع و شايل سلاح (مصيادة دمدم حتى لا ينباك الكول
5- يفضل ان تكون شباكنا نظيفة بعد المبارات( حتة بالشباك انصيد سمج ورة ما انخلص)
6- يفضل ان تكون الكرة من ام ال 7500 اللي تنباع اب باب الشرجي حتة البرازيليين يرتبكون و يكومون ايمسلتون باللعب

سلامي لكلل

مودي

هههههههههههههههه حلوه مشكور مودي

واحد محشش كاعد يحلق لحيته والتليفون رن .... شخط نفسه بالموس حتى ماينسى وين وصل

ههههههه خطيه

تعالو خل نشوف العراقي ليش دائمن ضايج

واذا اكو اسباب بعد ضيفوهة شباب ؟؟؟؟؟؟؟؟؟؟؟

1-اذا تشوف العراقي ضايج يعني مطلوب فلوس
***

2-اذا تشوف عراقي صافن يعني حبيبته مغلسه عليه
***

3-اذا تشوف عراقي عصبي يعني ميت من الحر
***

4-اذا تشوف عراقي يلعب بشعره يعني سيارته عاطله
***

5-اذا تشوف عراقي يبجي يعني يريد يسافر بس ماعنده فلوس ويبقه بحسرته
***

6-اذا تشوف عراقي يصلي يعني يريد من رب العالمين شغله ههههه هاي دائما هيج
***

7-اذا تشوف عراقي وتسلم عليه و ميردلك يعني طاك بي ليك هههه
تحياتي

6-اذا تشوف عراقي يصلي يعني يريد من رب العالمين شغله ههههه هاي دائما هيج
هههههههههههههههههههههههههه احلاهم هاي وسح هم خخخخخ
يسلمو وردة

هههههههههههههههه

عاشت ايدكم حلووووات cheers

اني كاتب موضوع و جاااايين كَالبي نكات و تحشيش هع

اي اضحك وحشش ويانا هع هع

هههههههههههه اسفين خالو مودي هيا اخر مرة
يلا اتلعوو من الموضوع ليئتلنة

اي يلا نطلع يمةةةة

هههههههههههه هع هع تره احنا طلعنا :albino:

اشوو مدا اشوف هع

ههههههههه رح اطلع يلا لان مودي رح يكتلنا من صدك

بااااااااااي

ههههههههههههههه اييي بسرعه قبل ميجي هع

مشكوور مودي للتحشيش

هههههههههههههههههههههههههههههههههههههههههههههههههههههههههههههههههههههههههه حلوة

قلدوا قلدوا ميخالف...اني الكم كلكم...عابتلكم

ههههههههههه هسة موزين نئلد كدامك مو وراك عابتلك راح نتلع ذاعلناك ابقة وحدك